Дорҗин Бүрнә Басңг
Кевләр:Редактирую Кевләр:Однофамильцы Кевләр:Персона
Дорҗин Бүрнә Басңг (Кевләр:Lang-ru; Кевләр:ВД-Преамбула) — советск, хальмгин шүлгч, бичәч, орчулач, публицист, СССР-ин бичәчнрин Ниицәнә гешүн.
Намтрнь
Дорҗин Басңг 1918-гч җилин март сарин 23-д (шин намбан литәр — апрель сарин 5-д) Хальмг автономн муҗин Көтчнрин района Тугтн селәнд муҗгин өрк-бүлд төрсмн. 13 настаһас авн бәәрн колхозд көдлсмн. Багшин ахр сурһуль төгсәһәд школд көдлсмн. Дарунь таңһчин олн газетмудт көдләд йовсмн.
1939-гч җилд Дорҗин Басңг СССР-ин бичәчнрин Ниицәнд орсмн.
Төрскән харсгч Алдр дәәнә орлцач.
Үүдәлтнь
1939-гч җилд «Мини шүлгүд» гидг нерәдлһтә түрүн хураңһу барлгдсмн.
1963-гч җилд роман «Чик хаалһ» болн шулглсн роман «Тууҗин девсңгүд» барас һарсмн.
Дорҗин Басңг орс классикудын болн СССР-ин талдан келн-улсин бичәчнрин үүдәврмүдиг хальмг келнд орчулсмн.
1973-гч җилд Баңга Баатрин нертә Хальмг үндсни драмин театр Дорҗин Басңгин романар тәвсн «Чик хаалһ» наад үзүлсмн.
Нәәрүлһснь
Хальмг келәр
- Мини шүлгүд, 1939 җ.;
- Төрскнә төлә, шүлгүд, 1940 җ.;
- Шүлгүд болн поэмс, 1941 җ.;
- Төрскн өргн тег дундан, 1959 җ.;
- Зүркнә дуудврар, зурц, 1961 җ.;
- Дархн, зурцс, 1961 җ.;
- Чик хаалһ, 2 дегтр, 1963—1964 җҗ.
Орс келәр
- С именем Ленина, стихи и поэма, (Кевләр:Lang-xal) 1959 җ.;
- Степная песня, стихи, (Кевләр:Lang-xal) 1960 җ.
Ачлврмуднь
Медальмуд:
- Германиг диилсн төлә;
- Күч-көлснә йилһрлтин төлә;
- Төрскән харсгч Алдр дәәнә цагт баатрльг күч-көлснә төлә.
Сурвлҗс
- Джимгиров М. Э., Писатели советской Калмыкии, Калмыцкое книжное издание, Элиста, 1966, стр. 71—80
Холвас
Категория:СССР-ин бичәчнрин Ниицәнә гешүд Категория:Хальмгин бичәчнр Категория:Хальмгин шүлгчнр Категория:СССР-ин Деед Хүүвин 1-гч дуудврин элчтнр